Afro 200 pjesëtarë të Gardës Kombëtare që kanë marrë pjesë të mërkurën në sigurimin e ceremonisë së inaugurimit të Joe Bidenit presidenti të Shteteve të Bashkuara të Amerikës, kanë rezultuar pozitivë për COVID-19 të premten.
Kështu ka bërë të ditur një zyrtar i Qeverisë amerikane i cili në kushte anonimiteti ka treguar se numri i pjesëtarëve të Gardës me rezultat pozitiv për COVID-19 mund të rritet, raporton Reuters.
Numri i pjesëtarëve të Gardës Nacionale të cilët janë angazhuar për të ofruar siguri ditën e inaugurimit ishte shtuar dukshëm për shkak të protestave të dhunshme të 6 janarit në Kongresin Amerikan, nga mbështetësit e ish-presidentit Donald Trump.
Shtetet e Bashkuara të Amerikës kanë raportuar më shumë se 4000 vdekje brenda ditës nga koronavirusi ndërkaq numri i vdekjeve që nga fillimi i pandemisë është 410 mijë.
-
12 ushtarë të Gardës Kombëtare janë larguar nga ceremonia e inaugurimit të Bidenit
-
Garda Kombëtare angazhon 10 mijë ushtarë për inaugurimin e Bidenit
-
Bideni infektohet me koronavirus
-
Bideni do të nderojë 500 mijë jetët e humbura nga COVID-19 në SHBA
-
Një inaugurim i riformësuar nga kërcënimi për sigurinë