Këshilltari special i Departamentit amerikan të Drejtësisë, Robert Mueller ka urdhëruar të shihen të dhëna mbi llogaritë bankare të mbajtura nga Donald Trump dhe familja e tij.
“Deutsche Bank” mori një thirrje nga Mueller disa javë më parë, raporton Reuters, duke cituar një person të afërt me këtë çështje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi tha se hetuesit donin informacion mbi transaksionet e caktuara parash dhe kredie, dhe se dokumentet kyçe tashmë ishin dorëzuar, transmeton kp.
Mueller po shqyrton pretendimet e ndërhyrjes së Rusisë në zgjedhjet presidenciale të SHBA-ve dhe marrëveshjen e mundshme nga ekipi i Trump në këtë çështje, një deklaratë e mohuar nga presidenti Donal Trump dhe autoritetet ruse.
“Deutsche Bank”, banka më e madhe në Gjermani, i ka huazuar organizatës së Trumpit qindra milionë dollarë, për marrëveshjet e pasurive të paluajtshme. Kjo ka ndodhur pas falimentimit të biznesit të tij të hoteleve dhe kazinove në vitet e 90-ta.
Në qershor, banka gjermane hodhi poshtë një kërkesë nga demokratët, për të dhënë detaje të financave që lidhen presidentin Trump, duke u mbështetur në ligjet e privatësisë.
Presidenti i SHBA-ve, Donald Trump ka insistuar se nuk ka asnjë bashkëpunim ndërmjet ekipit të tij të fushatës dhe Rusisë