Një numër rekord njerëzish janë regjistruar si kandidatë për zgjedhjet parlamentare të Iranit të planifikuara për në mars, ka bërë të ditur Ministria e Brendshme e vendit.
Zgjedhjet do të jenë të parat që nga protestat mbarëkombëtare që tronditën vendin vitin e kaluar.
Gati 49 mijë njerëz janë regjistruar si kandidatë gjatë një periudhe njëjavore regjistrimi që përfundoi të dielën.
Ky numër është më shumë se trefishi i 16 mijë regjistrimeve të paraqitura në zgjedhjet e fundit të 2020-s, kur pjesëmarrja e votuesve ishte më e ulëta që nga viti 1979, me pak më shumë se 42% të votuesve me të drejtë vote.
Rreth 14% e parashtresave ishin nga gratë, një rritje nga 12% sa ishte më parë në vitin 2020.
Autoritetet iraniane në javët në vijim do të verifikojnë dokumentet e dorëzuara nga kandidatët e mundshëm.
Edhe
Nis numërimi i votave në Iran, raportohet për pjesëmarrje të ulët në zgjedhje
Procesi njëmujor i verifikimit do të përfundojë në fund të tetorit kur kandidatët e verifikuar do të lejohen të aplikojnë për kandidaturë.
Çdo kandidat duhet të miratohet nga Këshilli Mbrojtës, një organ klerik prej 12 anëtarësh, gjysma e të cilëve emërohen drejtpërdrejt nga udhëheqësi suprem.
