Presidenti rus Vladimir Putin humbi gjakftohtësinë gjatë takimit të parë të qeverisë së tij në vitin 2023, duke e qortuar publikisht ministrin e Tregtisë dhe Industrisë.
Për disa minuta ai akuzoi Denis Manturov për vonesa burokratike në porositjen e avionëve civilë dhe ushtarakë, raportoi BBC.
"Shumë kohë, po zgjat shumë", tha lideri rus, i cili kurrë nuk është përmbajtur në kritikat ndaj zyrtarëve të lartë në publik.
Takimi i parë i qeverisë erdhi në të njëjtën ditë kur Putini zëvendësoi komandantin e tij të lartë në Ukrainë pas vetëm tre muajsh në krye.
Putin e ndërpreu vazhdimisht Manturovin, ndërsa ministri detajonte planet për aeroplanë, helikopterë dhe varka.
"Këto 700 avionë, përfshirë helikopterët... ju duhet ta zgjidhni këtë me ministrinë e Mbrojtjes... disa ndërmarrje ende nuk kanë marrë asnjë porosi", u ankua ai.
Edhe
Duhet të jemi një hap përpara armikut, u thotë Putini zyrtarëve rusë
Kur poshtërimi publik i ministrit po shkonte drejt fundit, ai premtoi se do ta bënte më të mirën. Por nuk ishte e mjaftueshme për presidentin.
“Jo, bëje brenda muajit. A nuk e kupton situatën ku jemi. Duhet të kryhet për një muaj, jo më vonë”.
-
Putini e pranon se sulmet ukrainase po shkaktojnë mungesë karburanti në Rusi
-
Putini akuzon Perëndimin se po përgatitet haptas për luftë me Rusinë
-
Trumpi kërcënon Putinin, i jep kohë 12 ditë për ta pranuar marrëveshjen e paqes në Ukrainë
-
Kremlini: Ka skaduar urdhri i Putinit për të mos goditur infrastrukturën energjetike të Ukrainës