Stafi në termocentralin e pushtuar të Zaporizhzhias i ka thënë BBC-së se po mbahet nën kërcënimin e armëve, ndërsa trupat ruse po e përdorin atë si bazë ushtarake.
Forcat ruse e kanë pushtuar centralin bërthamor më të madh në Evropë, që nga fillimi i marsit. Megjithatë, ai ende operohet nga teknikë ukrainas.
Moska kohët e fundit është akuzuar për përdorimin e centralit "si mburojë" ndërsa trupat e saj lëshojnë raketa nga atje drejt vendeve të afërta.
Të enjten u raportuan më shumë bombardime, dhe kreu i OKB-së, Antonio Guterres lëshoi një paralajmërim të ri se luftimet pranë zonës bërthamore do të "që çojnë në katastrofë".
Dy punëtorë të centralit i kanë thënë BBC-së për kërcënimin e përditshëm të rrëmbimit, si dhe frikën e tyre ose nga "ndotja radioaktive e rajonit më të gjerë" ose nga një katastrofë bërthamore.
Edhe
OKB-ja alarmon se siguria bërthamore e Zaporizhzhisë po përkeqësohet
Në brigjet e lumit Dnipro, është e mundur të shihet termocentrali bërthamor Zaporizhzhia 10 milje përtej ujit. Ky ësshtë një vend që ka parë granatime të rënda gjatë dy javëve të fundit, me deri në 120 raketa të raportuara në një natë të vetme. Ato vijnë nga drejtimi i Enerhodarit, qyteti ku ndodhet centrali.
Mbikëqyrësi bërthamor i OKB-së pretendon se ekziston një "rrezik real i katastrofës bërthamore" nëse luftimet nuk ndalojnë dhe inspektorët nuk lejohen të hyjnë.
