Presidenti italian, Sergio Mattarella është pajtuar që të shërbejë për një mandat të dytë, pasi partitë e koalicionit nuk arritën të bien dakord për një kandidat kompromisi për postin.
80-vjeçari doli si zgjedhja më popullore pas gjashtë ditësh votime, shpesh të tensionuara në Romë.
Ai kishte shprehur dëshirën për të lënë detyrën, por mediat vendase raportuan se kryeministri Mario Draghi e kishte bindur të qëndronte për "stabilitetin" e Italisë.
Ai pritet të rizgjedhet zyrtarisht, të shtunën në mbrëmje.
Duke shpallur vendimin e Mattarellas për të qëndruar në detyrë, ministrja për Çështjet Rajonale Mariastella Gelmini përshëndeti "ndjenjën e përgjegjësisë dhe lidhjen e tij me vendin dhe institucionet e ish-gjyqtarit të Gjykatës Kushtetuese".
Partitë në koalicionin qeverisës të Italisë ranë dakord të rizgjedhin Mattarellan të shtunën, pasi shtatë runde votimi dështuan për të prodhuar një kandidat alternativ dhe zbuluan ndarje të thella në qeverinë e koalicionit të Draghit.
Presidenca e Italisë zgjidhet me votim të fshehtë në një kolegj elektoral prej 1009 senatorësh, deputetë dhe disa delegatë rajonalë, ku kandidati i parë që merr dy të tretat e votave shpallet fitues.