Sekretari amerikan i shtetit, Mike Pompeo, bëri sot thirrje që t’i jepet fund përplasjes mes bllokut të drejtuar nga Arabia Saudite dhe Katarit.
“Nuk është në interesin më të mirë të rajonit, nuk është në interesin më të mirë të botës”, deklaroi kryediplomati amerikan në Kuvajt, ndalesa e parë e një turi që do e çojë në tre vende të Lindjes së Mesme.
“Ne të gjithë kemi të njëjtat kërcënime, kërcënimet nga Al Kaeda dhe ISIS-i, si dhe nga Republika Islamike e Iranit”, tha ai në një konferencë për shtyp krahas ministrit të Jashtëm të Kuvajtit, Sabah Al Khaled.
Në qershor të vitit 2017, Arabia Saudite, Emiratet e Bashkuara Arabe, Bahreini dhe Egjipti thyen lidhjet diplomatike dhe të transportit me Katarin, duke e akuzuar se po sponsorizon terrorizmin, një akuzë që Doha e ka mohuar. ATSH
-
Trumpi thotë se Irani është “shumë më serioz” në bisedime
-
SHBA-ja e paralajmëron finalizimin e marrëveshjes me Iranin këtë fundjavë
-
Shefi i OKB-së “thellësisht i shqetësuar” nga sulmet e reja mes SHBA-së dhe Iranit
-
Trumpi i lidh “Marrëveshjet e Abrahamit” me marrëveshjen me Iranin
-
Rubio e cilëson Kubën si kërcënim për SHBA-në