Pesë persona u vranë nga një sulmues i cili hapi zjarr përgjatë një shtegu shëtitës në Karolinën e Veriut të enjten dhe iu shmang oficerëve për orë të tëra para se të futej në një shtëpi dhe të arrestohej, tha policia.
Një polic jashtë detyrës ishte në mesin e të vrarëve nga i dyshuari, të cilin policia e përshkroi vetëm si një mashkull të bardhë, të mitur, raportoi Associated Press të premten.
Ai u arrestua rreth orës 21:37, thanë autoritetet. Identiteti dhe mosha e tij nuk u publikuan.
Të shtënat me armë kanë ndodhur rreth orës 17:00, përgjatë lumit Neuse Greenway në një zonë banimi në verilindje të qendrës së qytetit, tha kryebashkiaku i Raleigh, Mary-Ann Baldëin.
Oficerët e agjencive të shumta të zbatimit të ligjit u mblodhën në zonë, duke mbyllur rrugët dhe duke paralajmëruar banorët që të qëndronin brenda ndërsa ata kërkonin për të dyshuarin.
Dy persona, mes tyre edhe një oficer policie, u dërguan në spital. Oficeri më vonë u la i lirë, por i mbijetuari tjetër mbeti në gjendje kritike.
-
Katër të vrarë nga një sulm i armatosur në një ditëlindje fëmije në Kaliforni
-
Sulm me armë në SHBA, të paktën një i vdekur dhe 24 të plagosur
-
Katër policë të vrarë e katër të plagosur gjatë bastisjes së një shtëpie në SHBA
-
Të shtëna me armë, qëllohen disa policë në Karolinën e Veriut
-
Një i vrarë dhe pesë të plagosur pas të shtënave në Washington