-
Nga:
BBC
- 14 nëntor 2026 08:13
- Shpërndaje në:
Rreth 130 persona në një anije turistike, e ankoruar në New Orleans, janë shpëtuar pasi ajo u përplas me një cisternë.
Anija turistike “American Heritage” mbeti e përmbysur anash në lumin Misisipi, pasi u godit nga anija transportuese e mallrave “Atlantic Asphalt”.
Si pasojë e përplasjes, 32 persona nga anija turistike u dërguan në spital me lëndime jo të rënda, ndërsa nuk raportohet për asnjë person të zhdukur. Zyrtarët e cilësuan ngjarjen si një “mrekulli në Misisipi”.
Shkaku i saktë i aksidentit mbetet nën hetim, por kapitenia e Rojës Bregdetare të SHBA-së, Melanie Burnham, tha se mund të ketë pasur një lloj humbjeje të kontrollit të drejtimit të anijes.
Kryetarja e Bashkisë së New Orleansit, Helena Moreno, tha gjatë një konference për media se e gjithë merita për operacionin e shpëtimit u takon ekipeve të emergjencës, të cilat “u hodhën menjëherë në ujë për të ndihmuar”.
“Ne nuk kemi asnjë person të zhdukur, gjë që është vërtet një mrekulli në Misisipi”, deklaroi Moreno.