Rumania është ‘ferma’ e tretë më e madhe e deleve në Bashkimin Europian dhe transporton pjesën më të madhe të bagëtive të saj në vendet e Lindjes së Mesme.
Autoritetet Rumune po punojnë për të shpëtuar më shumë se 14 mijë dele që ishin në anijen ‘Queen Hind’, e cila u fundos pasi u largua nga porti Rumun i Midia, që kishte për destinacion Arabinë Saudite.
Një zëdhënëse e shërbimit të urgjencës rumune, ISU Constanta, njoftoi se e gjithë ekuipazhi - 20 sirianë dhe një shtetas libanez - u shpëtuan së bashku me 32 dele.
Zëdhënësja tha gjithashtu se shumica e deleve ndodhen ende në anijen e përmbysur dhe se përpjekjet e shpëtimit po vazhdojnë.
Rumania është ‘ferma’ e tretë më e madhe e deleve në Bashkimin Europian dhe transporton pjesën më të madhe të bagëtive të saj në vendet e Lindjes së Mesme.
Por, kjo lloj tregtie, e cila përdor anije bagëtish, është kritikuar ashpër për shkak të kushteve të transportit të kafshëve: gjatë verës, temperaturat e arritura në të ashtuquajturat "anije të vdekjes" janë të padurueshme/Shqiptarja.
