Agjencia e lajmeve turke Dogan ka njoftuar se është hequr ndalimi për pajisjet elektronike siç janë laptopët, gjatë fluturimeve në mes të Turqisë dhe SHBA-së.
Kjo agjenci ka njoftuar se pasagjerët e linjës Turkish Airlines kanë udhëtuar me pajisje të tilla elektronike nga aeroporti i Stambollit në atë të New Yorkut.
Ndalimi i pajisjeve elektronike është hequr po ashtu edhe për fluturimet nga aeroporti i Abu Dabit në Emiratet e Bashkuara.
Ky ndalim ishte vendosur nga administrata e presidentit Trump në mars të këtij viti.
Ndalimi vlen ende për disa shtete të Lindjes së Mesme dhe Afrikës Veriore.
Edhe
Turqia heq ndalesën e pajisjeve elektronike për fluturimet në SHBA
Në këto vende përfshihen, Jordania, Egjipti, Arabia Saudite, Maroku dhe Katari.
Gjatë muajit maj presidenti Trump i prezantoi Kremlinit informacion të klasifikuar të inteligjencës, i cili njoftonte se militantët e grupit ekstremist Shteti Islamik, kanë planifikuar përdorimin e laptopëve gjatë sulmeve të tyre terroriste, duke shënjestruar zyrtarët rusë gjatë udhëtimit të tyre në SHBA.
