Protestuesit maqedonas të organizatës qytetare “Për Maqedoni të përbashkët”, edhe gjatë protestës së sotme kanë sulmuar gazetarët.
Protestuesit kanë sulmuar sonte ekipin e Televizionit Telma, të cilët i kanë ofenduar gjatë marrjes së deklaratave nga protestuesit.
Më herët janë sulmuar ekipet e televizionit TV24 dhe portalit A1on.
Për sulmuesit e gazetarëve A1on është hapur procedurë hetimore, ndërsa për një sulmues është lëshuar edhe padi, transmeton KP.
Protestuesit sulmojnë ekipet e gazetarëve që i konsiderojnë përkrahës të LSDM-së, ndërsa i quajnë edhe tradhtar.
