Një aeroplan ushtarak amerikan iu afrua të dielën mbrëma në distancë tepër të vogël aeroplanit “Air Force One” me të cilin udhëtonte Presidenti Donald Trump, para se ky të ulej në Bazën Ajrore Andrews në Maryland pranë Washingtonit.
Aeroplani presidencial nuk u shmang dhe nuk ka shenja se ishte në ndonjë rrezik. Ai u ul pa probleme në bazën Andrews gjashtë minuta më vonë.
Disa gazetarë, duke përfshirë edhe një korrespondent të “Zërit të Amerikës” që ndodheshin në bord, u bënë dëshmitarë të incidentit. Aeroplani ushtarak u vu re fillimisht nga një fotograf i Associated Press-it, raporton Zëri i Amerikës.
Presidenti Trump ishte duke u kthyer nga vendpushimi Mar-a-Lago në Florida, ku u takua me presidentin kinez Xi Jinping. Gjatë qëndrimit në Mar-a-Lago, Presidenti dha gjithashtu urdhër për goditjen me raketa të një aeroporti në Siri, nga i cili u nisën aeroplanët që, sipas zyrtarëve amerikanë, ndërmorën sulmin kundër civilëve me gazin nervor sarin.
-
Trumpi ndërroi aeroplanin presidencial në mes të udhëtimit pas paralajmërimit të Shërbimit Sekret
-
Trump shkoi në Turqi me aeroplanin e ri, u kthye me të vjetrin – çfarë ndodhi?
-
Qëllohet për vdekje një burrë që iu afrua rezidencës së Trumpit
-
Trumpi mbërrin në Zvicër, e pret një diplomaci e tensionuar për Grenlandën
-
Avioni i Trumpit kthehet në Washington pak pasi u nis për në Zvicër