Kryeministri i Izraelit, Benjamin Netanyahu, ka thënë se militantët e Hamasit janë “nazistët e rinj”.
“Hamasi janë nazistët e rinj”, ka thënë Netanyahu në konferencë të përbashkët me kryeministrin britanik Rishi Sunak, raporton BBC.
Netanyahu i ka treguar Sunakut se “britanikët luftuan me nazistët 80 vjet më parë”.
Ai ka thënë se kjo nuk është betejë vetëm e Izraelit, por betejë e “botës së civilizuar dhe shteteve moderne arabe”.
Netanyahu ka deklaruar se pala tjetër janë një bosht i së keqes, që përfshin Hamasin e Hezbollahun.
Ai ka thënë se vlerëson përkrahjen e Britanisë.
E Sunak ka thënë se ka përkrahur të drejtën e Izraelit për ta luftuar Hamasin. Por, ka shtuar se e di se Izraeli “po merr çdo masë të mundshme për të evituar lëndimin e civilëve, e në kontrast terroristët e Hamasit po bëjnë çdo gjë për t’i lënduar civilët”.
Sunak ka thënë se palestinezët “janë viktima të Hamasit po ashtu”.
Ministria e Shëndetësisë së Gazas ka njoftuar se 3785 palestinezë kanë humbur jetën në Gaza që kur Izraeli e nisi ofensivën më 7 tetor.
Në mesin e viktimave ka thënë se janë 1524 fëmijë, 1000 gra dhe 120 të moshuar. Ka raportuar për 12 mijë e 493 të lënduar.
Rreth 1400 është numri i të vrarëve në Izrael nga Hamasi.