Shërbimi i statistikave i Rusisë tha se lindjet në këtë vend kanë rënë për 10.7 për qind në vitin 2017, krahasuar me vitin paraprak.
Edhe pse norma e vdekjeve në Rusi në vitin 2017 është zvogëluar për 3.9 për qind krahasuar me 2016-ën, norma e lindjeve nuk i ka kontribuar rritjes së popullsisë, bëjnë të ditur të dhënat e Shërbimit Statistikor të Shtetit (Rosstat).
Agjencia tha se 1.69 milion fëmijë kanë lindur në Rusi vitin e kaluar – 203,000 më pak se në vitin 2016.
Është ky viti i tretë radhazi që Rosttat regjistron rënie të natalitetit.
Në muajin nëntor, presidenti i Rusisë, Vladimir Putin, ka shprehur shqetësim për “situatën akute demografike në Rusi” dhe ka thënë se qeveria do të “rishikojë programin kombëtar demografik”.
Popullsia ruse është zvogëluar prejse ka arritur kulmin në mbi 148 milionë në vitin 1992, një vit pas shpërbërjes së Bashkimit Sovjetik.
-
Lindje nën tokë, nën bombardime: Të sjellësh në jetë një fëmijë në Ukrainë
-
Trump: Rusia të arrijë marrëveshje për t’i dhënë fund luftës
-
“Ata janë të izoluar… janë vetëm” - Zelensky flet për Rusinë dhe gënjeshtrat e Putinit
-
Shkon në 17 numri i të vrarëve nga sulmet e reja ruse mbi Ukrainë
-
Lufta ka shkaktuar krizë të madhe demografike në Ukrainë