Guvernatori i Oklahomas ka shfrytëzuar autoritetin e tij për të ndaluar në moment të fundit, ekzekutimin e të burgosurit, Julius Jones, pak orë para se të vihej para vdekjes.
Guvernatori Kevin Stitt ka deklaruar se në vend të ekzekutimit, Jones i është vendosur dënimi me burgim të përjetshëm, pa mundësi lirimi me kusht.
Qindra studentë më parë kanë kërkuar mëshirë për Jones, i cili ishte dënuar me vdekje në vitin 2002, për vrasjen e Paul Howellit, gjatë një grabitjeje makinash tre vjet më parë. Mirëpo, Jones gjatë gjithë kohës e ka mohuar fajin.
Rasti i tij ka tërhequr mbështetjen e shumë fytyrave të famshme, përfshirë këtu Kim Kardashian, dhe aktivistëve kundër dënimit me vdekje.
Ekzekutimi i Jones përmes injektimit ishte caktuar që të bëhej në orën 16:00, sipas kohës lokale, në McAlester të Oklahomas.
Edhe
Për herë të parë në 15 vjet, në SHBA pushkatohet i burgosuri
Mirëpo guvernatori Stitt, një republikan, ka thënë se ai ndërhyri në këtë rast, "pas shqyrtimit me lutje dhe shqyrtimit të materialeve të paraqitura nga të gjitha palët e këtij rasti".
Bordi i Faljes dhe Lirimit me Kusht i shtetit rekomandoi më herët me një shumicë votash që dënimi i Jones të ndryshohej në burgim të përjetshëm, me mundësinë e lirimit me kusht.
Ky rast ka tërhequr vëmendjen e gjerë vitet e fundit, pjesërisht për shkak të serisë së dokumentarëve ABC të vitit 2018 "The Last Defense".
Jones u shpall fajtor se ka qëlluar për vdekje Howellin, gjatë një grabitjeje makine në vitin 1999 në rrugën e tij.
Edhe
Trump: Dënim me vdekje për dhunuesit, vrasësit dhe monstrat
Në tetor, ai ishte mes pesë personave që fituan pezullimin e ekzekutimit nga një panel prej tre gjyqtarësh i Gjykatës së Apelit të Rrethit të 10-të të SHBA-së.
"Unë nuk e vrava zotin Howell. Unë nuk kam marrë pjesë në asnjë mënyrë në vrasjen e tij; dhe hera e parë që e pashë atë ishte në televizion kur u raportua për vdekjen e tij”, kishte shkruar ai në një letër drejtuar bordit të lirimit me kusht në prill, pasi kishte shteruar apelimet e tij.
