Ministri i Jashtëm turk, Mevlut Cavusoglu, ka thënë se Izraeli ka ofruar mbështetje të konsiderueshme në përpjekjet e kërkim-shpëtimit në Kahramanmaras të goditur nga tërmeti.
“Turqia dhe Izraeli do të vazhdojnë përpjekjet për të zhvilluar bashkëpunimin”, ka thënë Cavusoglu të martën dhe ka theksuar se ekipet izraelite të shpëtimit janë ndër më të shumtat në Turqi.
Në një konferencë të përbashkët për shtyp me homologun e tij izraelit Eli Cohen në kryeqytetin turk, Ankara, Cavusoglu falënderoi Izraelin për mbështetjen e dhënë pas tërmetit shkatërrues.
Ai shtoi se Izraeli dha mbështetje të konsiderueshme për përpjekjet e kërkimit dhe shpëtimit në Kahramanmaras të goditur nga tërmeti, duke nxjerrë 19 njerëz nga rrënojat.
“Izraeli është një nga vendet e para që i dërgon mbështetje Turqisë”, ka thënë Cavusoglu.
Edhe
Turqia dërgon specialistë për të ndihmuar në gjetjen e trupave nën rrënojat e Gazës
Cohen shprehu solidaritetin me Turqinë dhe popullin turk “në këto kohë të vështira”.
Tërmetet që goditën Turqinë dhe Sirinë javën e kaluar kanë lënë të vdekur mbi 41 mijë persona.
