Italia të premten është bërë shteti i tretë në botë që ka kaluar shifrën e 30 mijë vdekjeve si pasojë e koronavirusit, duke raportuar 243 raste të reja me fatalitet, një ulje në krahasim me 274 sa ishte një ditë më parë.
Numri total i vdekjeve në Itali që nga shpërthimi i virusit në shkurt tani është 30201, ka bërë të ditur Agjencia për Mbrojtjen Civile në Itali. Vetëm Shtetet e Bashkuara të Amerikës dhe Britania kanë më shumë vdekje nga virusi.
Numri i rasteve të reja me infeksion të premten ishte 1327, rënie nga 1401 sa ishte të enjten. Totali i rasteve të konfirmuara në Itali është 217185, që paraqet vendin e tretë pas SHBA-së e Spanjës.
Të premten ka rënë për gati dymijë numri i atyre që janë të sëmurë me Covid-19.
Artikuj të ngjashëm
