Parlamenti i Malajzisë ka votuar për heqjen e dënimit të detyrueshëm me vdekje, duke kursyer potencialisht më shumë se 1,300 të burgosur të cilët janë aktualisht të dënuar me vdekje.
Vendi ka një moratorium për ekzekutimet që nga viti 2018.
Por ky vendim tani heq dënimin me vdekje si dënim i detyrueshëm për 11 krime të rënda, duke përfshirë vrasjen dhe terrorizmin.
Gjyqtarët kanë ruajtur diskrecionin për të shqiptuar dënimin me vdekje në raste të jashtëzakonshme.
Por për krimet më të rënda, gjykatat tani do të shpallin dënimet me burgim të përjetshëm deri në 40 vjet, ose dënime trupore siç është gjuajtja me bastunë, thanë ligjvënësit.
Duke folur në parlament të hënën, zëvendësministri i ligjit të Malajzisë tha se dënimi me vdekje është i pakthyeshëm dhe se deri tani nuk kishte funksionuar si parandalues ndaj krimit.
Edhe
Izraeli miraton ligjin që dënon me vdekje palestinezët e dënuar për sulme vdekjeprurëse
“Dënimi me vdekje nuk ka sjellë rezultatet që synohej të sillte”, tha Ramkarpal Singh.
Janë 34 vepra penale të dënueshme me vdekje në Malajzi - 11 prej të cilave para të hënës kishin dënim të detyrueshëm me vdekje.
Procesi legjislativ i përmbysjes së dënimit me vdekje në vend filloi qershorin e kaluar, kur ish-qeveria e Malajzisë nën kryeministrin Ismail Sabri Yaakob njoftoi se do të shfuqizonte dënimin me vdekje si një dënim i detyrueshëm.
-
Izraeli miraton projektligjin që propozon dënim me vdekje për ata që i konsideron terroristë
-
Kamboxhia dhe Tajlanda pajtohen për marrëveshje të menjëhershme të armëpushimit
-
Arrijnë nivel rekord dënimet me vdekje në botë, sipas Amnesty International
-
Kritika ndaj Arabisë Saudite për rritjen e numrit të dënimeve me vdekje