Lukashenko thotë se do të pensionohet nëse nuk e ndien përkrahjen e popullatës

Presidenti i Bjellorusisë, Alexander Lukashenko, ka thënë se do të pensionohet në momentin kur nuk ndien më se e ka përkrahjen e popullatës.

“Në momentin kur ndiej se shumica e bjellorusëve nuk e përkrahin Lukashenkon në aspektin ligjor, atëherë e ardhmja e Lukashenkos do të vendoset brenda 24 orëve”, ka thënë ai në një intervistë në kanalin e YouTube, “Solovyov Live”.

Presidenti bjellorus po ashtu ka thënë se është i gatshëm të largohet nga zyra nëse situata në shtetin e tij normalizohet. E i pyetur se sa gjatë planifikon të qëndrojë në pushtet, Lukashenko ka thënë se “përgjithmonë nëse shpërthen ndonjë luftë apo ndonjë situatë si ajo pas zgjedhjeve të vitit të kaluar”.