Koreja Veriore ka kthyer mbetjet mortore që besohet të jenë të trupave amerikane të vrarë gjatë luftës koreane. Ky shihet si një veprim i kujdesshëm në marrëdhënien diplomatike në mes të SHBA-së dhe Koresë Veriore, përcjell KosovaPress.
Një gardë e nderit ka pritur aeroplanin që kishte bartur mbetjet e tyre në një bazë të Amerikës në Korenë Jugore. Familjarët kanë pritur për vite që të marrin trupat e më të dashurve të tyre.
Për këtë pikë ishte arritur pajtueshmëri në samitin e qershorit të mbajtur në mes të presidentit amerikan Donald Trump dhe liderit të Koresë Veriore, Kim Jong-un. Samit ky i cili u kritikua për mungesë të qartësisë lidhur me marrëveshjet që ishin arritur në të.
Mirëpo, kthimi i mbetjeve amerikanë në fakt ka qenë një nga katër pikat e listuara në deklaratën e nënshkruar nga dy liderët.
Besohet se 55 ushtarë janë kthyer, mirëpo ende është e nevojshme që t’u bëhen testimet nga forenzika që të kuptohet nëse ata janë ushtarët e vrarë- proces ky që mund të marrë edhe vite.
-
SHBA dhe Koreja V. flasin për kthimin e trupave të ushtarëve të vrarë në Luftën Koreane
-
Koreja e Veriut konfirmon dërgimin e trupave të saj në luftën në Ukrainë
-
Koreja e Veriut ka dërguar edhe 3,000 ushtarë në Rusi, sipas Seulit
-
Koreja e Veriut ka dërguar trupa të reja në Ukrainë, njofton Seuli zyrtar
-
Zelensky: Trupat ushtarake nga Koreja e Veriut janë rikthyer në vijën e frontit