Shtetet e Bashkuara po vendosin në mënyrë aktive armë sulmuese në hapësirë dhe po kryejnë stërvitje ushtarake, gjë që e bën atë kërcënimin më të madh për sigurinë e hapësirës, ka thënë të enjten në një konferencë zëdhënësi i Ministrisë kineze të Mbrojtjesm Zhang Xiaogang.
“SHBA-ja është bërë tashmë forca më e madhe lëvizëse në militarizimin e hapësirës dhe shndërrimin e saj në një fushëbetejë; është bërë kërcënimi më i madh për sigurinë e hapësirës”, ka thënë ai, raporton AP.
Sipas Xiaogang, SHBA-ja e përkufizon hapësirën si “fushëbetejë”. Zhang ka thënë se SHBA-ja ka zhvilluar dhe dislokuar armë sulmuese hapësinore, duke organizuar stërvitje ushtarake hapësinore dhe duke kryer eksperimente teknike.
“Shtetet e Bashkuara po gjurmojnë me keqdashje anijet kozmike të vendeve të tjera dhe u afrohen rrezikshëm atyre, duke krijuar rrezik përplasjeje”, ka shtuar ai.
Sipas zyrtarit të mbrojtjes, Kina gjithmonë i është përmbajtur përdorimit paqësor të hapësirës dhe ka kundërshtuar garën e armëve hapësinore.
Më herët, sekretari i Forcave Ajrore të SHBA-së, Frank Kendall ka thënë se Forcat Ajrore të SHBA-së (USAF) do të kryejnë riorganizim në shkallë të gjerë mes kërcënimit në rritje të konfrontimit të armatosur me Kinën.
Edhe
Ushtria amerikane konfirmon se ka vendosur armë në hapësirë
Ai ka thënë se riorganizimi ishte i nevojshëm për të adresuar problemet ekzistuese dhe për të ruajtur konkurrencën e forcave të armatosura të SHBA-së.
Plani i riorganizimit kërkon konsolidimin e disa komandave të USAF-it, integrimin e formacioneve të aviacionit luftarakë dhe bombardues në njësi të vetme, forcimin e strukturave përgjegjëse për proceset e planifikimit dhe buxhetit dhe ndryshime të tjera.
