Kryebashkiaku i Londrës, Sadiq Khan, edhe të dielën e ka shprehur bindjen se tij se presidenti amerikan Donald Trump nuk do duhej pritur fare për vizitë shtetërore për shkak të, siç tha ai, politikave “të ashpra dhe të turpshme” ndaj emigrantëve.
Sipas Khan presidentit amerikan i duhet hequr trajtimi VIP kur të udhëtojë në Britaninë e Madhe për shkak të ndalesës së nënshkruar nga ai për të hyrë në SHBA për shtetasit e shtatë vendeve me shumicë myslimane dhe ndalesën e hyrjes së refugjatëve, përcjell kp.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Konsideroj se ndalesa e hyrjes së shtetasve të shtatë shteteve dhe pezullimi i programit të refugjatëve është e ashpër dhe e turpshme. Në këto rrethana nuk duhet shtruar qilimi i kuq”, tha Khan për televizionin ITV.
Deputetët britanikë më 20 shkurt do të debatojë për peticionin të cilin mbi 1.6 milionë persona e kanë nënshkruar, në të cilin kërkohet anulimi i vizitës së planifikuar shtetërore të presidentit amerikan Donald Trump për të “evituar turpërimin e mbretëreshës Elizabeta II”.
Vizita shtetërore zakonisht përfshin pritje tek Elizabeta II në Pallatin Buckingham.