Ekspertët e Këshillit të Evropës i kërkuan sot Serbisë të njohë zyrtarisht masakrën e Srebrenicës në Bosnje Hercegovinë si një gjenocid, në një raport që shpreh gjithashtu shqetësim edhe për frazat plot urrejtje të përdorura nga grupet raciste të tifozëve të futbollit.
“Drejtuesit politik duhet të pranojnë zyrtarisht se masakrat e kryera në Srebrenicë, në lindje të Bosnje Hercegovinës përbëjnë një gjenocid”, theksoi presidenti i Komisionit Evropian kundër racizmit dhe intolerancës (Ecri) i Këshillit të Evropës, suedezi Christian Ahlund, transmeton AFP, shkruan KP.
Në korrik të vitit 1995, rreth 8 mijë burra dhe djem myslimanë u vranë nga forcat serbe të Bosnjës në Srebrenicë brenda disa ditëve. Bëhet fjalë krimin më të rëndë të kryer në Evropë që prej Luftës së Dytë Botërore.
Komisioni i Këshillit Evropian theksoi se Parlamenti dhe presidenti serb kanë kërkuar falje për masakrën e Srebrenicës.
Megjithatë, ai shprehu keqardhje për faktin që asnjëri prej tyre nuk ka pranua që këto masakra përbëjnë një gjenocid ashtu si i kanë cilësuar gjykatat ndërkombëtare.
Presidenti serb, Tomislav Nikolliq, një nacionalist populiste, ka kërkuar falje në prill 2013 në televizionin kombëtar të Bosnjës.
-
BE-ja kërkon të mos mohohet gjenocidi në Srebrenicë, por nuk ndëshkon ata që e mohojnë
-
Mijëra njerëz mblidhen për të shënuar 30-vjetorin e gjenocidit në Srebrenicë
- Srebrenica në ndërgjegjen e Evropës edhe pas 30 vjetësh
-
29 vjet nga masakra e Srebrenicës
-
Kosova shpall 11 korrikun Ditë Përkujtimi për gjenocidin në Srebrenicë