Kandidatja gjermane për kancelare mohon akuzat për plagjiat

Kandidatja e Partisë së Gjelbër në Gjermani për zgjedhjet e muajit shtator, Annalena Baerbock, ka mohuar akuzat se ka kopjuar pjesë nga lajmet dhe nga Wikipedia për librin e saj të ri.

Në fillim të javës eksperti austriak i mediave, Stefan Weber, ka vlerësuar se disa formulime në librin e kandidates gjermane, të publikuar më 21 qershor, ishin të ngjashme me publikime të tjera. Partia e Gjelbër i ka quajtur raportimet si “tentim vrasje karakteri”.

Në një intervistë të fundit, Baerbock ka sqaruar se pret ashpërsim të betejës politike, por ka shtuar se lajmet e rrejshme në adresë të saj janë të qëllimshme.

Të Gjelbrit kanë prirë nëpër sondazhe prejse Baerbock ishte nominuar në muajin prill.

Në rast të fitores, ajo mund të bëhet pasardhëse e kancelares Angela Merkel. Mirëpo partia është në garë të ngushtë me bllokun konservator që po udhëhiqet nga Armin Laschet.

Sipas sondazheve, blloku i Merkelit prin për shtatë deri në dhjetë pikë.