Kanali i Panamasë kufizon kalimin e anijeve shkaku i thatësisë

Autoriteti i Kanalit të Panamasë ka njoftuar se kalimi në kanal do të jetë i reduktuar dhe i kufizuar në madhësinë e anijeve që kalojnë për shkak të thatësisë ekstreme. Ricaurte Vasquez Morales, administrator i Kanalit të Panamasë, ka njoftuar se kriza jo e zakonshme ka detyruar autoritetet që të vendosin masa, të cilat mund të zgjasin deri në shtatorin e vitit 2024.

Me këto masa numri i anijeve është reduktuar në 32 nga 38 që kalonin zakonisht gjatë ditëve në Kanal. Nga ky vendim do të humben deri në 200 milionë dollarë që fitoheshin nga kalimet e anijeve në Kanalin e Panamasë.

Vendimi ka hyrë në fuqi të dielën dhe për herë të parë do të shkaktohen probleme në lundrimet ndëroqeanike. Në fillim të vitit Kanali i Panamasë kishte kufizuar transitin vetëm për anijet e vogla.

Kanali i Panamasë po përballet me një prej sezoneve më të thata në historinë e tij. Autoritetet kanë thënë se Kanali do të vazhdojë të jetë efikas, sepse është më i rëndësishmi në tregtinë botërore detare.