Kryeministri i Britanisë së Madhe, Boris Johnson, ka mohuar se e ka gënjyer Mbretëreshën Elizabetë gjatë këshillave që i dha asaj, lidhur me pezullimin pesë-javor të parlamentit.
Kryeministri i bëri deklaratat pasi Gjykata më e lartë civile skoceze vendosi të mërkurën, se mbyllja e parlamentit ishte e paligjshme. I pyetur nëse e kishte gënjyer Mbretëreshën Elizabetë në lidhje me arsyet e tij të pezullimit, ai u përgjigj: “absolutisht jo”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKompetencat për të pezulluar punën e parlamentit i përkasin Mbretëreshës, e cila vepron sipas këshillës së kryeministrit. Pezullimi aktual pesë-javor filloi në orët e para të së martës, dhe deputetët nuk do t’i kthehen seancave deri më 14 tetor.
Vendimi për pezullim të punës së parlamentit ka ardhur teksa Britania ka 31 tetorin datë për largim nga Bashkimi Evropian. Ligjvënësit britanikë i kanë kërkuar Johnsonit që t’i kërkojë BE-së shtyrje të datës për Brexit, nëse nuk miratohet ndonjë marrëveshje për kushtet e divorcit deri në fund të muajit tetor.