Papa Françesku ka bërë shaka se është “ende gjallë” teksa doli nga spitali në Romë pas një qëndrimi tre-ditor, shkruan BBC.
Ai u shtrua të mërkurën në spitalin Gemelli pas vështirësive në frymëmarrje dhe më pas u diagnostikua me bronkit.
Vatikani kishte thënë më herët se Papa do të lirohej të shtunën nëse rezultatet e testit do ta lejonin.
Përfundimi i tij në spital erdhi përpara javës më të ngarkuar në kalendarin e krishterë, me ngjarje dhe shërbime të planifikuara gjatë gjithë javës së Pashkëve.
Papa, 86 vjeç, u fotografua duke buzëqeshur dhe duke bërë me dorë nga një veturë që e nxori atë nga spitali të shtunën.
Ai u pa duke dalë nga automjeti dhe duke bërë shaka me turmën, përpara se të nisej për në Vatikan.
