Me sekuestrimin e një naftëmbajtëseje britanike në Ngushticën e Hormuzit, Irani i është futur një rrugë të rrezikshme, deklaroi në Twitter ministri i Jashtëm britanik, Jeremy Hunt.
“Veprimi i djeshëm në Gji jep sinjale shqetësuese se Irani mund të zgjedhë rrugën e rrezikshme të një sjelljeje të paligjshme dhe destabilizuese, pas ndalimit jo të ligjshëm të një naftëmbajtëseje që po shkonte drejt Sirisë”, shtoi ai.
Edhe SHBA-ja kritikoi rritjen e dhunës nga ana e Iranit pasi Gardianët e Revolucionit Iranian njoftuan se kishin konfiskuar një naftëmbajtëse britanike në Ngushticën e Hormuzit.
“Kjo është hera e dytë në pak më shumë se një javë që Britania e Madhe shënjestrohet nga dhuna e tepruar e regjimit iranian”, njoftoi në një komunikatë Garett Marquis, zëdhënës i Këshillit të Sigurisë Kombëtare amerikane.
Garda Revolucionare Iraniane deklaroi se forcat e saj kishin kapur një naftëmbajtëse britanike në Ngushticën e Hormuzit për një shkelje të supozuar të ligjeve ndërkombëtare./ATSH/
-
Irani paralajmëron se do ta sulmojë këdo që kalon në ngushticën e Hormuzit
-
Irani kap një naftëmbajtëse britanike në ngushticën e Hormuzit
-
Houthit hapin një front të ri në luftën SHBA - Iran
-
Irani zotohet të mos lejojë “asnjë pikë të vetme” nafte apo gazi të kalojë nëpër Hormuz
-
Irani paralajmëron se Ngushtica e Hormuzit është "vijë e kuqe" për të