Hezbollahu e Hamasi diskutojnë për negociatat për armëpushim në Gaza

Udhëheqësi i Hezbollahut të Libanit, Sayyed Hassan Nasrallah dhe zyrtari i lartë i Hamasit, Khalil Al-Hayya kanë diskutuar të premten mbi zhvillimet e fundit në Rripin e Gazës dhe për negociatat që synojnë arritjen e një armëpushimi.

Nasrallah priti zëvendësshefin e Hamasit, Al-Haya, në takimin ku diskutuan mbi zhvillimet e fundit në fushën e sigurisë dhe politikës në Gaza, ka njoftuar përmes një deklarate grupi Hezbollah. 

“Ata diskutuan gjithashtu për zhvillimet e fundit të negociatave për armëpushim, dhe propozimet e paraqitura për t’i dhënë fund agresionit izraelit kundër popullit palestinez në Rripin e Gazës”, thuhet në deklaratë.

Një zyrtar i lartë i administratës amerikane ka bërë të ditur të enjten se Hamasi e ka qartësuar mjaft mirë pozicionin e tij mbi marrëveshjen e mundshme për lirimin e pengjeve izraelite, duke shprehur kështu shpresën se kjo do të rezultojë në arritjen e një armëpushimi të përhershëm, raporton “Reuters”.