Duke filluar nga 4 nëntori, gratë në Bashkimin Europian, në mënyrë simbolike, nuk do të paguhen këtë vit për punën e kryer, nëse ju krahasoni pagat mesatare të tyre me ato të burrave, deklaroi dje Komisioni Europian.
E ashtuquajtura pagë e barabartë shërben për të theksuar faktin se gratë vazhdojnë të paguhen më pak se burrat për të njëjtën punë.
Sipas të dhënave të fundit, gratë në BE fitojnë 16% më pak se burrat. Kjo shifër është 0,2 pikë përqindje më pak se viti i kaluar.
Presidentja e zgjedhur, Ursula von der Leyen, e cila do të jetë gruaja e parë që do të drejtojë ekzekutivin e BE-së, është zotuar të paraqesë një legjislacion për transparencën e pagave, brenda 100 ditëve të para në detyrë.
Fillimisht Von der Leyen përpiloi një ekip të balancuar gjinor të zyrtarëve të lartë nga secili shtet anëtar, por tre nga kandidatët e saj u refuzuan nga Parlamenti Europian.
Tashmë duket e pamundur për Von der Leyen që të arrijë qëllimin e saj për barazi gjinore./atsh
-
BE-ja do të kufizojë qasjen e fëmijëve në rrjetet sociale
-
Blerjet nga Shein, Temu dhe AliExpress bëhen më të shtrenjta në BE, shkak tarifa e re
-
BE-ja planifikon të ndalojë hyrjen në bllok të kujtdo që ka luftuar krah Rusisë në Ukrainë
-
Von der Leyen: Duhet ta bëjmë procesin e zgjerimit më të shpejtë dhe të besueshëm
-
Anëtarët e BE-së bien dakord për marrëveshjen tarifore me SHBA-në