Një gjykatë britanike ka nisur seancat dëgjimore për të vendosur nëse shefi i “WikiLeaks”-it, Jualian Assange, duhet të ekstradohet në Shtetet e Bashkuara të Amerikës, gati dhjetë vjet pasi që i publikoi dokumente sekrete që nxitën reagimin e administratës amerikane.
48-vjeçari kërkohet nga SHBA-ja për tetë akuza kriminale, përfshirë hakimet ilegale në kompjuterët e Qeverisë dhe thyerjen e rregullave të spiunimit. Dhjetë muaj pasi që u nxor zvarrë nga Ambasada e Ekuadorit në Londër, në të cilën qëndroi për shtatë vjet, Gjykata do të dëgjojë argumente nëse duhet apo nuk duhet të ekstradohet në SHBA, raporton KTV.
Avokatët e Assanget, kanë thënë se rasti i tij mund të shpjerë në kriminalizimin e aktiviteteve vendimtare të gazetarëve hulumtues.
Ndërkaq avokatët në SHBA kanë thënë se Assange ka rrezikuar shumë jetë me publikimin e dokumenteve në lidhje me luftën amerikane në Afganistan dhe Irak. E babai i tij, rastin e ka quajtur të motivuar politikisht.
