Garda Revolucionare paraushtarake e Iranit lëshoi një satelit të dytë zbulues në hapësirë, raportuan mediat shtetërore të martën, pikërisht në kohën kur fuqitë botërore prisnin vendimin e Teheranit në negociatat mbi marrëveshjen e prishur bërthamore të vendit.
Televizioni shtetëror identifikoi lansimin në shkretëtirën e tij verilindore Shahroud, pa specifikuar se kur. Megjithatë, zhvillimi erdhi derisa kryediplomati i Iranit në bisedimet ndërkombëtare u kthye papritmas në vend të hënën vonë për konsultime, një shenjë e presionit në rritje ndaj Teheranit, ndërsa negociatat duket se po i afrohen fundit. Garda tha se sateliti Noor-2 arriti një orbitë të ulët prej 500 kilometrash mbi sipërfaqen e Tokës në transportuesin satelitor Qased, njoftoi agjencia shtetërore e lajmeve IRNA.
Gjenerali Amir Ali Haxhizadeh, komandant i gardës Revolucionare, ka thënë se pushtimi i qiellit është parakusht për fuqinë e vendit në fushën e sigurisë, mbrojtjes, ekonomisë dhe shkencës.
-
Irani zotohet të mos lejojë “asnjë pikë të vetme” nafte apo gazi të kalojë nëpër Hormuz
-
SHBA-ja dhe Irani shkëmbejnë sulme pas vdekjes së dy ushtarëve amerikanë
-
Garda iraniane paralajmëron se sulmet e SHBA-së do të çojnë në ofensivë në shkallë të plotë
-
Irani i kundërpërgjigjet SHBA-së me sulme të reja
-
Irani intensifikon sulmet ndaj bazave amerikane në shtetet e Gjirit