Bashkimi Evropian duhet të miratojë shumë shpejt paketë e gjashtë të sanksioneve kundër Rusisë, ka thënë ministrja e Francës për Evropën dhe Punët e Jashtme, Catherine Colonna.
Në një konferencë të përbashkët shtypi në Berlin me homologun e saj gjerman, Colonna ka theksuar nevojën për të forcuar mbështetjen për Ukrainën, raportoi të martën CNN-i.
"Duhet të miratojmë shpejt paketën e gjashtë të sanksioneve që do të parashikojë përfundimin progresiv të importeve të naftës ruse”, ka thënë Colonna, e cila u emërua në detyrën e saj javën e kaluar.
Pavarësisht kundërshtimit nga vende si Hungaria, Colonna ka thënë se është optimiste që paketa do të miratohet.
“Duhet të vazhdojmë sepse ky unitet është forca jonë”, ka thënë ajo.
Artikuj të ngjashëm
-
Polonia bën thirrje për sanksione të menjëhershme ndaj energjisë ruse
-
BE-ja po shqyrton masa kundër naftës e gazit rus
-
Komisioni Evropian me paketë të re sanksionesh kundër Rusisë, përshpejtohet ndalimi i gazit rus
-
BE-ja miraton pakon e 18-të të sanksioneve kundër Rusisë
-
Kallas: BE-ja është afër marrëveshjes për të vendosur sanksione të reja kundër Rusisë