Estonia ka ndaluar një sulm hibrid nga Rusia, ka njoftuar kryeministrja Kaja Kallas. Ajo ka shkruar në rrjetin social X se operacioni u bë nga shërbimet e sigurisë ruse, duke thënë se Kremlini i ka cak shoqëritë demokratike.
“Estonia ka ndërprerë me sukses një operacion hibrid nga shërbimet e sigurisë ruse në territorin tonë. Ne e dimë se Kremlini po synon të gjitha shoqëritë tona demokratike. Përgjigja jonë: Jini të hapur dhe zbuloni metodat e tyre. Kjo është mënyra për të penguar veprimet e dëmshme”, ka shkruar ajo.
Drejtoresha e përgjithshme e agjencisë për siguri në Estoni, Margo Pollson, ka thënë se qëllimi i operacionit hibrid ishte të mbillte frikë dhe tension si dhe të minonte shoqërinë civile.
“Kishte plan për të sulmuar automjetet e individëve të caktuar, të cilin ne e shkatërruam. Kjo është një metodë e re ndikimi. Sipas vlerësimit tonë, Rusia nuk e arriti objektivin e saj", ka thënë ajo.
Ministria e Jashtme tha se do të thërrasë kryediplomatin rus në Estoni.
"Estonia e merr shumë seriozisht dhe ne po bëjmë çmos për të ndaluar çdo veprim ndaj shtetit tonë", ka thënë ministri i Jashtëm, Margus Tsahkna.
-
Evropa po planifikon ndaj Rusisë hapa që dikur dukeshin të paimagjinueshëm
-
Evropa pa mekanizëm të përbashkët për t’u përballur me agresionin hibrid rus
-
Kallas: Veprimi në Estoni tregon se Rusia po bëhet përherë më e rrezikshme
-
Nuk kemi plan B nëse Ukraina bie, thotë kryeministrja e Estonisë
-
Gërvalla: Rusia sot ka nisur sulm hibrid ndaj Kosovës