Presidenti turk Recep Tayyip Erdogan i ka quajtur terroristë studentët që po protestojnë tash e disa javë për zhvillimet e fundit në shtetin euro-aziatik.
Studentët dhe anëtarët e universitetit Bogazici kanë kaluar javë të tëra në protesta për emërimin e Melih Bulu në krye të universitetit, një akademik i cili dikur kandidoi për deputet me logon e partisë së Erdoganit.
Studentët kanë bërë thirrje që Bulu të japë dorëheqjen si rektor dhe që universiteti të lejohet të zgjedhë pasardhësin e tij, duke thënë se emërimi ishte një ofendim i lirive akademike.
Shumë studentë janë arrestuar mes protestave, madje disave u janë bastisur shtëpitë.
"Unë nuk i pranoj këta të rinj, të cilët janë anëtarë të grupeve terroriste, të ndajnë vlerat kombëtare dhe morale të vendit tonë", tha Erdogani në një video-fjalim.
"A jeni studentë ... apo jeni terroristë që përpiqen të bastisin zyrën e rektorit dhe ta pushtojnë atë?", shtoi Erdogani.
-
Turqia i tërheqë vërejtjen Perëndimit
-
Profesorët i bashkohen protestës kundër rektorit të Erdoganit
-
Policia përleshet me protestuesit që kundërshtojnë rektorin e emëruar nga Erdogani
-
Turqia arreston rreth 100 studentë që protestuan kundër predikuesve islamikë në kampus
-
Mijëra njerëz dalin në rrugët e Turqisë në ditën e shtatë të protestave për Imamoglun