Presidenti i Turqisë Recep Tayyip Erdogan deklaroi sot se vendi i tij mbështet integritetin territorial të Ukrainës dhe kundërshton aneksimin e paligjshëm të Krimesë nga Rusia.
"Kthimi i Krimesë në Ukrainë është një nevojë thelbësore nga pikëpamja e së drejtës ndërkombëtare," tha Erdogan në një video-mesazh gjatë samitit të dytë të Platformës së Krimesë, një mekanizëm koordinues ndërkombëtar me të cilin Kievi kërkon të tërheqë vëmendje më të madhe globale ndaj aneksimit të Krimesë nga Rusia në vitin 2014.
Erdogan konfirmoi se Ankaraja do të vazhdojë të mbështesë Platformën e Krimesë dhe zgjidhjen paqësore të çështjes së Krimesë.
“Pozicioni parimor i Turqisë nuk ka vetëm një bazë ligjore, por edhe morale”, tha Erdogan dhe vuri në dukje se mbrojtja e integritetit territorial, sovranitetit dhe unitetit politik të Ukrainës janë të një rëndësie kyçe për sigurinë dhe stabilitetin rajonal dhe global.
-
Erdogani uron Kosovën: Do ta vazhdojmë mbështetjen për ruajtjen e sovranitetit
-
Kremlini: Putini riafirmon angazhimin për zgjidhje diplomatike të konfliktit në Ukrainë
-
Zelensky flet për riaktivizim të procesit diplomatik për fundin e luftës në Ukrainë
-
Erdogani i thotë Putinit se Turqia po punon për një fund të drejtë të luftës në Ukrainë
-
Trumpi thotë se Ukraina s’mund ta kthejë Krimenë e as të hyjë në NATO