Erdogan: Do të vazhdojmë luftën kundër dhunës ndaj grave

Presidenti i Turqisë, Recep Tayyip Erdogan, ka thënë të enjten se do të vazhdojë luftën kundër dhunës ndaj grave.

"Ne jemi duke e bërë luftën (kundër dhunës) edhe më të fortë me planin tonë të ri të veprimit", u shpreh presidenti Erdogan në takimin e 4-të të Promovimit të Planit Kombëtar të Veprimit për Luftimin e Dhunës ndaj Grave në kryeqytetin turk Ankara.

Ai ka thënë se qëllimi i parë i planit të ri është të rishikojë legjislacionin e Turqisë mbi luftën kundër dhunës dhe zbatimin efektiv të saj.

"Lufta jonë kundër dhunës ndaj grave nuk do të fillojë me Konventën e Stambollit, as nuk përfundon me tërheqjen tonë nga ajo", shtoi Erdogan, duke iu referuar një traktati evropian nga i cili Turqia u largua më 1 korrik, duke përmendur papajtueshmëritë me vlerat lokale.

Sipas dekretit të nënshkruar nga Erdogan, data e skadimit të Konventës së Stambollit 2011, e cila u anulua në Turqi në fillim të këtij viti, ra më 1 korrik.

Turqia u tërhoq nga konventa më 19 mars, duke argumentuar se pakti binte ndesh me traditat lokale dhe se ligjet turke ofrojnë mbrojtje të mjaftueshme tashmë për gratë.