Dy shpërthime të mëdha në qytetin rus Bryansk, në afërsi të Ukrainës

Dy zjarre masive shpërthyen mëngjesin e së hënës në qytetin Bryansk të Rusisë, në afërsi me kufirin Ukrainas, raportoi BBC-ja.

Njëri zjarr thuhet se ndodhi në një depo nafte, ndërsa për të dytin nuk u bë i ditur, por shihet në videon e postuar nga portali bjellorus, Nexta.

Zyrtarët rusë deklaruan se nuk u regjistrua ndonjë i lënduar dhe aktualisht nuk ka plane për evakuim të zonës.

Gjithashtu nuk u dhanë arsye për zjarret.

Më herët, Rusia kishte akuzuar Ukrainën për sulme të ngjashme në depot e naftës në territorin rus.