Një grup anijesh luftarake amerikane po i drejtohen pjesës perëndimore të oqeanit Paqësor, pranë Gadishullit Korean, i tha CNN-it një zyrtar amerikan i mbrojtjes.
“Lëvizja e të ashtuquajturit Grupi Sulmues Vinson pranë dy Koreve vjen si kundërpërgjigje ndaj provokacioneve të fundit të Koresë së Veriut”, deklaroi ky zyrtar, shkruan ATSH.
Admirali Harry Harris, komandant i Komandës Amerikane të Paqësorit, i tha Grupit Sulmues Carl Vinson që të lundronte në veri të Paqësorit Perëndimor, pas nisjes nga Singapori.
Ky grup konsiderohet si prania më e madhe amerikane në rajon nën administratën e presidentit Donald Trump.
Artikuj të ngjashëm
