CNN po mbyll shërbimin e tij të transmetimit CNN+ pas më pak se një muaji nga fillimi i kësaj sipërmarrjeje që tërhoqi yje si Chris Wallace dhe Alison Roman dhe që shihej si mënyrë për të tërhequr një brez të ri të konsumatorëve të lajmeve.
Transmetimi nisi më 29 mars, pak para se CNN-i të bëhej me pronarë të rinj.
Shërbimi i bazuar në abonim do të mbyllet në fund të prillit. Udhëheqësit ekzekutivë thanë se disa programe dhe punonjës të CNN+ do të përfshihen në rrjetin televiziv dhe faqen e internetit, por se do të ketë edhe pushime nga puna. Kreu i CNN+, Andrew Morse, po largohet nga kompania.
Në një memo për punonjësit të enjten, shefi ekzekutiv i ardhshëm i CNN-it, Chris Licht, tha se konsumatorët donin "thjeshtësi dhe një shërbim të gjithanshëm" në vend të ofertave të pavarura.
Drejtuesit thanë gjithashtu se paaftësia e shërbimit për të shfaqur drejtpërdrejt lajmet e fundit ishte një dështim thelbësor. Për shkak të kontratave me kompanitë kabllore dhe satelitore, CNN+ nuk mundi të transmetonte rrjetin televiziv CNN.
-
Vdiq në moshën 87-vjeçare themeluesi i CNN-it, Ted Turner
-
Kelly Clarkson do ta përfundojë emisionin e saj këtë vjeshtë
-
Jep dorëheqjen shefja e inteligjencës në administratën e Trumpit
-
Grenell do të largohet nga posti i shefit në “Kennedy Center”
-
Pink është “shumë e zënë” për t’u marrë me karrierë të re në televizion