Gati dy milionë qytetarë evropianë kanë aplikuar për të qëndruar në Britaninë e Madhe, pas Brexit-it, me afrimin e datës së parashikuar, nga të cilët 500 mijë vetëm gjatë muajit shtator, tregohet në statistikat e publikuara nga qeveria britanike.
“Kjo është një shenjë shqetësimi. Kur njerëzit janë të frikësuar, ata shqetësohen dhe përpiqen të garantojnë statusin e tyre dhe qeveria i ka frikësuar ata me rrezikun e largimit pa marrëveshje.”, tha Nicholas Hatton, themeluesi i shoqatës “The3Million”, që mbron interesat e qytetarëve europianë në Britaninë e Madhe.
Ndërkohë, 38 për qind të të tjerëve, që kanë jetuar në Britaninë e Madhe për një kohë më të shkurtër, u është dhënë një parastatus. Ky parastatus i lejon ata të qëndrojnë në vend edhe për pesë vite të tjera dhe të aplikojnë për status të përhershëm pasi të jetë arritur pragu i pesë viteve të qëndrimit./ATSH/
-
Shtetasve të BE-së, 28 ditë afat për të aplikuar për qëndrim në Britani
-
750 mijë europianë kërkojnë të jenë rezidentë në BM pas Brexitit
-
Refugjatët në Britani do të përballen me 20 vjet pritje për të fituar qëndrim të përhershëm
-
Rreth 90.000 britanikë do të hapnin shtëpitë e tyre për refugjatët ukrainas
-
Rritet numri i qytetarëve të BE-së, të cilëve iu refuzua hyrja në Britani