Presidenti amerikan, Joe Biden, ka votuar për zgjedhjet e mesmandatit për Kongres. Lideri amerikan ka votuar në një qendër votimi në Wilmington në Delaware.
Bideni shoqërohej me mbesën Natalia, e cila ka votuar për herë të parë. Votimi i hershëm fizik ka nisur të premten në shtetin e presidentit, Delaware.
Demokratët i kanë inkurajuar votuesit në mbarë vendin që të dalin menjëherë në zgjedhje me qëllim që të maksimalizojnë mbështetjen partiake. Për demokratët është e rëndësishme që dalja në zgjedhje të jetë sa më e lartë. Votuesit tashmë mund të votojnë edhe nëpërmjet postës elektronike.
Zgjedhjet e mesmandatit do të përcaktojnë se kush do ta kontrollojë Kongresin gjatë dy vjetëve të ardhshëm.
