Xiomara Castro është betuar si presidentja e parë femër e Hondurasit, mes një krize politike që kërcënon planet e saj për kombin e varfër.
Duke folur në ceremoni, liderja e majtë ka thënë se ajo po merrte drejtimin e një vendi "të thyer" - por u zotua të ndiqte drejtësinë sociale dhe transparencën.
Castro, 62 vjeçe, ka premtuar se do të luftojë bandat e fuqishme të trafikut të drogës dhe do të liberalizojë ligjet e rrepta të abortit.
Por agjenda e saj është minuar nga një grindje në Partinë e saj “Libre” (E Lirë).
Burri i Castros, Manuel Zelaya, drejtoi vendin nga viti 2006 deri në vitin 2009, kur ai u rrëzua nga një grusht shteti. Ajo kandidoi për detyrë dy herë në vitet pas largimit të tij nga pushteti, përpara fitores së saj në zgjedhjet nëntorin e kaluar.
Që atëherë, Castro ka shijuar një valë pozitiviteti në publik. Ardhja e saj shënon fundin e mbretërimit 12-vjeçar të Partisë Kombëtare të krahut të djathtë, e cila është përfshirë nga skandale dhe akuza për korrupsion.
Mijëra njerëz iu bashkuan ceremonisë së inaugurimit në stadiumin kombëtar në kryeqytetin, Tegucigalpa.
Edhe
Claudia Sheinbaum do të betohet si gruaja e parë presidente e Meksikës
“Katastrofa ekonomike që po trashëgoj është e pashembullt në historinë e vendit tonë”, ka thënë ajo në fjalën e saj, duke theksuar nevojën e ristrukturimit të borxhit kombëtar.
"Qeveria ime nuk do të vazhdojë vorbullën e plaçkitjes që ka dënuar breza të rinjsh të paguajnë borxhin që kanë marrë pas shpine”, ka shtuar ajo.
Zëvendës-presidentja e SHBA-së, Kamala Harris ishte në mesin e zyrtarëve të huaj që morën pjesë në inaugurim - duke marrë një valë të madhe duartrokitjesh nga turma e mbledhur.
