Ish-kryeministri Italian, Silvio Berlusconi, ka mbrojtur luftën e Vladimir Putinit në Ukrainë, duke thënë se lideri rus ishte "shtyrë" në konflikt.
85-vjeçari tha se trupat ruse duhej të zëvendësonin qeverinë me "njerëz të mirë" dhe më pas të largoheshin, raportoi BBC-ja të premten. Kryeministri italian për tri mandate është një aleat afatgjatë i presidentit rus.
Këtë fundjavë partia e tij pritet të marrë pushtetin si pjesë e një koalicioni të krahut të djathtë në zgjedhjet e përgjithshme në Itali.
Berlusconi tha se raportimi, i shtyrë nga forcat separatiste dhe politikanët nacionalistë në qeverinë ruse, nuk e kishte lënë Putinin me zgjidhje tjetër veçse të niste një pushtim të kufizuar.
“Putini u shty nga popullsia ruse, nga partia e tij dhe nga ministrat e tij për të shpikur këtë operacion special. Trupat duhej të hynin, të arrinin në Kiev brenda një jave, të zëvendësonin qeverinë Zelensky me njerëz të mirë dhe një javë më vonë të ktheheshin”, ka thënë Berlusconi.
"Në vend të kësaj ata gjetën një rezistencë të papritur, e cila më pas u ushqye nga armë të të gjitha llojeve nga Perëndimi”, ka shtuar ai.
Edhe
Berlusconi i zhgënjyer me Putinin: Më është dukur njeri paqësor
Berlusconi ka qenë prej kohësh një admirues i Putinit. Por në prill, ai dënoi pushtimin dhe tha se ishte "thellësisht i zhgënjyer dhe i trishtuar" nga sjellja e Putinit, duke shtuar se "masakrat e civilëve në Bucha dhe në lokalitete të tjera janë krime të vërteta lufte".
Udhëheqësi i partisë ”Forza Italia” aktualisht po bën fushatë si pjesë e një koalicioni të krahut të djathtë përpara zgjedhjeve të përgjithshme të së dielës.
