Belgjika po përgatitet të vendosë një sistem mbrojtjeje ajrore në portin e Antwerpit për t’iu kundërvënë kërcënimit në rritje nga dronët ndaj infrastrukturës kritike, ka thënë të enjten një zëdhënës i ministrisë së Mbrojtjes të vendit.
Belgjika vitin e kaluar është përballur me një seri ndërhyrjesh me dronë që detyruan mbyllje të përkohshme në aeroportet belge dhe në bazën ajrore ushtarake.
Pamje të shumta dronësh janë raportuar gjithashtu mbi portin e Antwerpit, si dhe mbi termocentralet bërthamore, kompleksin kimik BASF dhe terminalin e kontejnerëve Europa, duke ngritur alarm mbi cenueshmërinë e vendeve kryesore industriale dhe energjetike, shkruan Reuters.
Zëdhënësi nuk ka pranuar të jepë detaje specifike mbi planet e raportuara fillimisht nga media belge, duke përmendur si arsye sigurinë operacionale, por ka shtuar se sistemi do të vendoset së shpejti.
“Një sistem mbrojtjeje ajrore po vjen në portin e Antwerpit. Është një lloj NASAMS”, ka thënë kryebashkiaku i Antëerpit, Bart De Wever, në një aktivitet të mërkurën në portin e Antwerpit-Bruges, sipas gazetës “Gazet van AntwAerpen”.
Sistemi NASAMS është projektuar për t’u mbrojtur nga dronë, avionë luftarakë dhe kërcënime të tjera ajrore me rreze të shkurtër veprimi.
-
Belgjika heton dronët e dyshimtë që fluturuan mbi një bazë ushtarake të saj
-
Industria private e dronëve në Evropë po lulëzon, ndërsa NATO-ja po e forcon mbrojtjen
-
Britania dërgon trupa dhe pajisje ushtarake në Belgjikë pas dyshimeve për dronë rusë
-
Belgjika do të mbajë takim urgjent të Këshillit të Sigurisë për shkak të dronëve
-
Dronët spiunë vazhdojnë t’i mbajnë të mbyllur aeroportet belge