Bashkimi Evropian tha sot se vendimi i presidentit të Shteteve të Bashkuara, Donald Trump, për të ndaluar fluturimet nga Evropa për në SHBA, është marrë “në mënyrë të njëanshme” dhe “pa u konsultuar”.
Trump tha se fluturimet nga 26 vende të Evropës – që janë pjesë e zonës së lëvizjes së lirë Schengen – për në Shtetet e Bashkuara, do të pezullohen për 30 ditë, për të parandaluar përhapjen e mëtejshme të koronavirusit në SHBA.
“Koronavirusi është krizë globale, nuk është i kufizuar në ndonjë kontinent dhe kërkon bashkëpunim në vend të veprimit të njëanshëm”, thanë përmes një deklarate të përbashkët presidentja e Komisionit Evropian, Ursula von der Leyen, dhe presidenti i Këshillit Evropian, Charles Michel.
“Bashkimi Evropian është duke ndërmarrë veprime të fuqishme për të kufizuar përhapjen e virusit”, thanë ata.
Dhjetëra vende të Evropës janë prekur nga një koronavirus i ri, që besohet se e ka origjinën në Kinë. Vendi i goditur më se keqi është Italia, me mbi 12,000 njerëz të infektuar dhe me mbi 827 të vdekur./ abcnews.al
-
Trumpi pezullon të gjitha fluturimet nga Evropa në SHBA
-
Anëtarët e BE-së bien dakord për marrëveshjen tarifore me SHBA-në
-
BE-ja thotë se s'do të pranojë asnjë rritje të tarifave të SHBA-së pas vendimit të Supremes
-
Trumpi kërcënon Evropën me tarifa të tjera
-
Çka dihet deri më tani për ndalimin e udhëtimit në SHBA për qytetarët e 12 shteteve