Avokati “i rremë”, që fitoi të 26 rastet e tij, arrestohet në Kenia

Një avokat “i rremë” i cili thuhet se fitoi të 26 rastet e tij, pavarësisht se nuk kishte asnjë trajnim ligjor, është arrestuar në Kenia.

Burri me emrin Brian Mwenda kishte vjedhur identitetin e një avokati të vërtetë të quajtur Brian Mwenda Ntwiga, raporton BBC.

“Avokati i rremë” fitoi të 26 rastet e tij në gjykata të ndryshme keniane – pavarësisht se nuk kishte asnjë trajnim ligjor, sipas mediave lokale.

Burri u arrestua tani nga Ekipi i Veprimit të Shpejtë i Degës së Nairobit të Shoqatës Juridike të Kenias (LSK) pasi rasti i tij shkaktoi zemërim publik dhe dega mori shumë ankesa.

Ai dyshohet se hyri në sistem dhe ngatërroi detajet e profilit të një burri i cili kishte të njëjtin emër, përpara se të ngarkonte foton e tij dhe të pretendonte se ishte i trajnuar për drejtësi.

Brian Mwenda Ntwiga “i vërtetë” kontaktoi LSK-në pasi nuk ishte në gjendje të hynte në llogarinë e tij dhe kuptoi se disa detaje ishin ndryshuar.

Edhe Botë 8 maj 2026 “Zona e Vdekjes” - Si po i josh Rusia afrikanët për të luftuar në Ukrainë?

Dega e LSK-së në Nairobi shkroi gjithashtu në rrjetin social X, i njohur më parë në Twitter se “Dega dëshiron të njoftojë të gjithë anëtarët e shoqërisë dhe publikun se BRIAN MWENDA NJAGI nuk është avokat i Gjykatës së Lartë të Kenias, nga të dhënat e Shoqatës, as anëtar i Degës”.

Ndërsa çështja shkaktoi zemërim, veçanërisht në mesin e zyrtarëve ligjorë, të tjerë e konsideruan “avokatin e rremë” mbresëlënës.

Organizata Qendrore e Sindikatave të Kenias (COTU) i tha BBC-së se ai ishte një “mendje e re brilante”.