Dhoma e Ulët e parlamentit të Francës ka miratuar një projektligj për imigracion që është kritikuar nga të majtët duke u cilësuar shumë kufizues derisa të djathtët e kanë konsideruar tejet tolerant.
Asambleja Kombëtare e Francës ka miratuar projektligjin pas 61 orësh debat.
Projektligji është miratuar me mbështetjen e partisë së presidentit francez, Emmanuel Macron.
Dhoma e Lartë dhe Senati do të shqyrtojnë të njëjtin në muajin qershor.
Ministri i Brendshëm, Gerard Collomb, ka thënë se masa synon të krijojë “kontrollim më të mirë” të imigrimit.
Përmes projektligjit, është planifikuar që vendimi për azilkërkuesit të bëhet i ditur brenda gjashtë muajve si dhe të bëhet më i lehtë dëbimi i personave që cilësohen si migrantë “ekonomikë”.
Edhe
Franca me ligj për dëbimin e refugjatëve
Ndërkohë, refugjatëve të pranuar do t’iu rritet ndihma me qëllim të integrimit në shoqëri por edhe për qasje më të mirë në shkollat franceze.
Vitin e kaluar, Franca ka pranuar një numër rekord prej 100,000 azilkërkuesish.
