Një gazetar është arrestuar në Turqinë juglindore për gjoja përhapjen e "dezinformimit", ka thënë avokati i tij të enjten, duke shënuar paraburgimin e parë në bazë të një ligji të ri që kritikët thonë se përbën një kërcënim për lirinë e fjalës.
Arrestimi vjen dy muaj pasi parlamenti miratoi legjislacionin gjithëpërfshirës që partia në pushtet e presidentit Recep Tayyip Erdogan tha se do ta mbronte publikun. Kritikët thonë se ligji mund të abuzohet nga autoritetet për të shuar mospajtimet, raportoi The Guardian.
Sinan Aygül, një gazetar në provincën Bitlis me shumicë kurde, u arrestua pasi shkroi në Twitter se një vajzë 14-vjeçare dyshohet se ishte abuzuar seksualisht nga burra, duke përfshirë oficerë policie dhe ushtarë.
Aygül kërkoi falje për publikimin e lajmit pa e konfirmuar atë me autoritetet.
Në deklaratën e tij në gjykatë, Aygül tha se ai kishte korrigjuar gabimin e tij pasi kishte folur me autoritetet, kishte fshirë postimin fillestar në Twitter dhe nuk kishte për qëllim të kryente një krim.
Edhe
Gazetari i Deutsche Welles arrestohet në Turqi nën dyshimin për fyerjen e Erdoganit
Avokati i Aygül, Diyar Orak, tha se ndalimi ishte i paligjshëm.
Ligji parashikon një dënim me burg deri në tre vjet për këdo që përhap informacion të rremë ose mashtrues.
-
Edhe 17 të arrestuar në Turqi për kurdisje dhe baste ilegale
-
Skandal në Kupën e Botës, lojtarët e Turqisë kapen duke pirë duhan
-
Policia turke arreston 13 opozitarë që zgjodhën udhëheqësin e rrëzuar
-
Ndalohet një i dyshuar për kërcënimin e gazetarit Betim Musliu dhe redaksisë së “Betimit për Drejtësi”